حق مہر ادا کرنےمیں ٹال مٹول کرنا شرعاً کیسا ہے؟
سوال
ایک شخص نے شادی کر لی ہے لیکن وہ اپنی بیوی کو حق مہر دینے میں ٹال مٹول کر رہا ہے جبکہ رخصتی ہوگئی ہے اور حق مہر بھی معجل ہے۔ اس بنا پر فریقین میں جھگڑا ہے اس کا شرعی حل ارشاد فرمائیں۔
جواب
رخصتی کے بعد عورت پورے حق مہر کی حقدار ہے۔
ويتأكد (عند وطئ أو خلوة صحت) من الزوج (أو موت أحدهما)
الدر المختار وحاشية ابن عابدين (رد المحتار) (3/ 102)
لہذٰا شخص مذکور کو چاہیے کہ وہ حق مہر مکمل ادا کرے ورنہ آخرت میں سخت پکڑ ہوگی، آپﷺ کا فرمان ہے:
عن ميمون الكردي، عن أبيه قال: سمعت النبي صلى الله عليه وسلم لا مرة ولا مرتين ولا ثلاثة حتى بلغ عشر مرار: «أيما رجل تزوج امرأة بما قل من المهر أو كثر ليس في نفسه أن يؤدي إليها حقها، خدعها، فمات ولم يؤد إليها حقها، لقي الله يوم القيامة وهو زان»
(المعجم الأوسط، باب الألف، من اسمه أحمد، رقم الحدیث: 1851 2/ 237 ط: دار الحرمين)
جو شخص کسی عورت سے کم یا زیادہ مہر پر شادی کرے ، اور اس کے دل میں اس عورت کے حق مہر کو ادا کرنے کا اِرادہ نہ ہو ؛ بلکہ اس نے اسے دھوکہ دیا ہو پھر وہ عورت کا حق ادا کئے بغیر مرجائے تواللہ تعالیٰ سے اس حالت میں ملے گا کہ اس کا شمار بدکاروں میں ہوگا ۔
فقط واللہ اعلم
فقط واللہ اعلم
حوالہ: نکاح