ٹیسٹ ٹیوب بے بی کا شرعی حکم
سوال
کیا فرماتے ہیں علمائے کرام و مفتیان عظام اس مسئلہ کے بارے میں کہ ہمارے ہاں ایک فیملی ہے، ان کا بچہ پیدا نہیں ہو رہا، کسی نے مشورہ دیا ہے کہ ٹیسٹ ٹیوب بے بی کے ذریعہ اپریشن کروا لیں۔ آیا یہ جائز ہے؟
جواب
واضح رہے کہ ٹیسٹ ٹیوب بے بی کے ذریعے سے اولاد حاصل کرنے کی کئی صورتیں ہیں:
1۔ مادہ منویہ غیر مرد کا اپنی بیوی کے رحم میں داخل کیا جائے۔
2۔ اپنا مادہ منویہ اجنبی عورت کے رحم میں داخل کیا جائے۔
3۔ اپنا مادہ منویہ اپنی بیوی کے رحم میں بذریعہ ڈاکٹر کی معاونت داخل کیا جائے۔
4۔ اپنا مادہ منویہ اپنی بیوی کے رحم میں ڈاکٹر کی معاونت کے بغیر ازخود داخل کیا جائے۔
پہلی دو صورتیں تو خلطِ نسب کی وجہ سے حرام ہیں۔ تیسری صورت بھی جائز نہیں ہے؛کیونکہ یہ عمل حصول ِ اولاد کیلئے ہے، جبکہ یہ ایسی ضرورت نہیں،جس کی وجہ سے اضطراری احکام جاری ہوں،جبکہ کشف ستر عند الطبیب کی حالتِ اضطرار میں گنجائش ہے۔البتہ چوتھی صورت بلاکراہت جائز ہے۔
لقوله - صلى الله عليه وسلم - «الولد للفراش وللعاهر الحجر»
(المبسوط للسرخسيؒ، كتاب الدعوى، 17/ 29 ط:دارالمعرفة)
النتف في الفتاوى للسغديؒ:
فاما ولد الحرة فله سبعة اصول، أحدهما اذا كان لها زوج فالولد للفراش اذا كان الزوج ممن يمكن الحبل منه
(كتاب الفرائض، باب النسب، 2/ 852 ط:مؤسسة الرسالة)
مفتی رشید احمد لدھیانویؒ رقمطراز ہیں:
ٹیسٹ ٹیوب بے بی کے طریق کار میں کسی ایسے مرض کا علاج نہیں کیا جاتا جس کی وجہ سے کسی جسمانی تکلیف میں ابتلاء ہو، یہ دفع مضرت بدنیہ نہیں بلکہ حلب منفعت ہے ، اس لئے یہ عمل لیڈی ڈاکٹر سے بھی کروانا جائز نہیں ، مرد ڈاکٹر سے کروانا انتہائی بے دینی کے علاوہ ایسی بے غیرتی دبے شرمی بھی ہے جس کے تصور سے بھی انسانیت کوسوں دور بھاگتی ہے ۔ اللہ تعالی کو ناراض کر کے جو اولاد حاصل کی گئی وہ وبال ہی بنے گی ۔
(احسن الفتاوی، کتاب الحظروالاباحۃ، ٹیسٹ ٹیوب بے بی کا حکم، 8/215 ط:سعید)
مفتی عبد الرحیم لاجپوریؒ فرماتے ہیں:
جو بچہ شوہر کے نطفہ سے پیدا ہوگا وہ ثابت النسب ہوگا، لیکن یہ طریقہ غیر فطری اور مکروہ ہے جبکہ خود شوہر یہ عمل کرے، ڈاکٹر سے ایسا عمل کرانا قطعی حرام ہے ، ستر عورت فرض ہے عورت کی شرم گاہ (جائے پیشاب ) عورت غلیظہ ہے شرم گاہ کے بالائی حصہ کو بلا وجہ شرعی دوسرے کے لئے دیکھنا جائز نہیں ہے تو اندرونی حصہ کو دیکھنا اور شرم گاہ کو چھونا کس طرح جائز ہوسکتا ہے ؟ میاں بیوی سخت گنہگار ہوں گے اور شوہر ازروئے حدیث دیوث بنے گا اور جنت کی خوشبو سے محروم رہے گا لہذا اس عمل سے قطعا ً احتراز کیا جائے
(فتاوی رحیمیہ، کتاب الحظروالاباحۃ، 10/179 ط:دارالاشاعت)
مفتی عبد السلام چاٹگامیؒ لکھتے ہیں:
شوہر اور بیوی کے جرثومے کو غیر فطری طریقہ سے نکالنے اور عورت کے رحم میں داخل کرنے میں اگر تیسرے مرد یا عورت کا عمل دخل ہوتا ہے اور اجنبی مرد یا عورت کے سامنے شرمگاہ دیکھنے یا دکھانے اور مس کرنے یا کرانے کی ضرورت پڑتی ہے تو اس طرح بے حیائی اور بے پردگی کے ساتھ بچہ پیدا کرنے کی خواہش پوری کرنے کی اجازت شرعا نہ ہوگی، کیونکہ بچہ پیدا کرنا کوئی فرض یا واجب امر نہیں ہے، نہ ہی بچہ پیدا نہ ہونے سے انسان کو جان یا کسی عضو کی ہلاکت کا خطرہ ہوتا ہے تو گویا کہ کوئی شرعی ضرورت و اضطراری کیفیت نہیں پائی جاتی جس سے بدن کے مستور حصے خصوصاً شرمگاہ کو اجنبی مرد یا عورت ڈاکٹر کے سامنے کھولنے کی اجازت ہو۔
لہذا ٹیسٹ ٹیوب کے دوسرے طریقہ کو اگر کسی اجنبی مرد یا اجنبی عورت ڈاکٹر کے ذریعہ انجام دیا جاتا ہے تو جائز نہیں ہے، یعنی گناہ کبیرہ کا ارتکاب ہوگا، تاہم بچہ کا نسب شوہر سے ثابت ہوگا، اس کو باپ سے وراثت ملے گی ، صحیح اولاد کے احکام اس پر جاری ہوں گے۔
(جواہر الفتاوی، ٹیسٹ ٹیوب بے بی کی شرعی حیثیت، 1/161 ط: : اسلامی کتب خانہ)
الجوهرة النيرة:
أما إذا كان المرض في سائر بدنها غير الفرج فإنه يجوز له النظر إليه عند الدواء؛ لأنه موضع ضرورة وإن كان في موضع الفرج فينبغي أن يعلم امرأة تداويها فإن لم توجد امرأة تداويها وخافوا عليها أن تهلك أو يصبيها بلاء أو وجع لا يحتمل ستروا منها كل شيء إلا الموضع الذي فيه العلة ثم يداويها الرجل ويغض بصره ما استطاع إلا من موضع الجرح
(كتاب الحظر والإباحة، 2/ 284 ط:المطبعة الخيرية)
نقل هذه العبارة ابن عابدين رحمه الله تعالى في رد المحتار ثم قال: والظاهر أن " ينبغي " هنا للوجوب
(الرد مع الدر، كتاب الحظر والإباحة، فصل في النظر والمس، 6/ 371 ط:سعيد)
ولما في الفتاوى الهندية:
ويجوز للرجل النظر إلى فرج الرجل للحقنة كذا ذكر شمس الأئمة السرخسي، كذا في الظهيرية۔۔۔ وذكر شمس الأئمة الحلواني - رحمه الله تعالى - في شرح كتاب الصوم أن الحقنة إنما تجوز عند الضرورة، وإذا لم يكن ثمة ضرورة ولكن فيها منفعة ظاهرة بأن يتقوى بسببها على الجماع لا يحل عندنا، وإذا كان به هزال، فإن كان هزال يخشى منه التلف يحل، وما لا فلا، كذا في الذخيرة
(كتاب الكراهية، الباب الثامن فيما يحل للرجل النظر إليه وما لا يحل له، 5/ 330 ط:دار الكتب العلمية)
فقط واللہ اعلم
حوالہ: رضاعت