طلاق کے بعد بچوں کی پرورش کا حق کس کو حاصل ہے؟
سوال
کیا فرماتے ہیں علمائے کرام و مفتیان عظام اس مسئلہ کے بارے میں کہ مجھے(مختیار مائی کو) میرے شوہر(محمد ابوبکر) نے طلاق دے دی ہے۔ میری ایک بیٹی سات برس اور ایک بیٹا چار برس کا ہے۔ اس کی پرورش کا حق مجھے یا والد کو ہے؟
جواب
بچی نو سال تک اور بچہ سات سال تک ماں کی پرورش میں رہے گا بشرطیکہ وہ بچوں کے کسی غیر محرم سے نکاح نہ کرے۔اس دوران بچوں کا خرچہ شرعاً والد کے ذمہ لازم ہوگا۔
الدر المختار:
(والحاضنة۔۔۔ أحق به) أي بالغلام حتى يستغني عن النساء وقدر بسبع وبه يفتى لأنه الغالب۔۔۔ وغيرهما(الام و الجدة) أحق بها حتى تشتهى وقدر بتسع وبه يفتى۔۔۔۔ وعن محمد أن الحكم في الأم والجدة كذلك وبه يفتى لكثرة الفساد زيلعي.
(الدر مع الرد، كتاب الطلاق، باب الحضانة، 3/ 566 ط: دارالفكر)
فقط واللہ اعلم
حوالہ: حقوق و آدابِ معاشرت