چھوڑ دیا ہے ، میری طرف سے فارغ ہے کہنے کا حکم
سوال
میری بیٹی کو اس کے شوہرنے چھوڑ دیا ہے، میں نے اپنے محلہ دار ان میں سے دو افراد کو اس کے پاس بھیجا کہ اس کا کیا ارادہ ہے۔ جب یہ اس کے پاس گئے تو اس نے کہا:"چھ مہینے ہوگئے ہیں میں نے اسے چھوڑ دیا ہے، میں نے نہیں لانی، جہاں جانا ہے جائے، ميری طرف سے فارغ ہے، فتوی لے کر کسی اور سے نکاح کرلے مجھے کوئی اعتراض نہیں ہے۔"
نوٹ:دونوں افراد(بطور گواہ ) اس کی تصدیق کرتے ہیں۔
آیا اب کتنی طلاقیں واقع ہوچکی ہیں؟ رجوع کی کیا صورت ہے؟ آگے کسی اور سے نکاح ہوسکتا ہے؟
جواب
بر تقدیرِ صحتِ واقعہ صورتِ مسئولہ میں گواہوں کے حلفیہ بیانات کی روشنی میں مسماۃ خالدہ(فرضی نام) پر دو طلاق بائن واقع ہوچکی ہیں، ایک طلاقِ رجعی نادر کے "میں نے اسے چھوڑ دیا ہے" کہنے سے اور ایک بائن "میری طرف سے فارغ ہے" سے ۔ اور رجعی کے بعد بائن دینے سے دو طلاق بائن ہوجاتی ہے۔
الحاصل دو طلاق بائن واقع ہوچکی ہیں۔ اب رجوع بغیر نیا نکاح کئے نہیں ہوسکتا۔ عدت گزرنے کے بعد عاصمہ دوسری جگہ نکاح کرنے میں آزاد ہوگی۔
لما في رد المحتار:
فإن سرحتك كناية لكنه في عرف الفرس غلب استعماله في الصريح فإذا قال "رهاكردم" أي سرحتك يقع به الرجعي
(الرد مع الدر، كتاب الطلاق، 3/ 299 ط: دارالفكر)
ولما في الفتاوى الهندية:
(وما يصلح جوابا وشتما) خلية برية۔۔۔ ففي حالة الرضا لا يقع الطلاق في الألفاظ كلها إلا بالنية والقول قول الزوج في ترك النية مع اليمين وفي حالة مذاكرة الطلاق يقع الطلاق في سائر الأقسام قضاء إلا فيما يصلح جوابا وردا فإنه لا يجعل طلاقا كذا في الكافي وفي حالة الغضب يصدق في جميع ذلك لاحتمال الرد والسب إلا فيما يصلح للطلاق ولا يصلح للرد والشتم
(كتاب الطلاق، 1/ 374 ط:دارالفكر)
ولما في البحر الرائق:
(قوله: والبائن يلحق الصريح) كما إذا قال لها: أنت طالق ثم قال لها في العدة أنت بائن
(البحر مع منحة الخالق وتكملة الطوري، كتاب الطلاق، باب الكنايات في الطلاق، 3/ 331 ط:دارالكتاب الإسلامي)
ولما في الفتاوى الهندية:
إذا كان الطلاق بائنا دون الثلاث فله أن يتزوجها في العدة وبعد انقضائها
(کتاب الطلاق، الباب السادس في الرجعة، فصل فيما تحل به المطلقة، 1/ 472 ط: دارالفكر)
فقط واللہ اعلم
حوالہ: طلاق