بازاری جرابوں پر مسح کے جواز کا تحقیقی جائزہ
سوال
بازارمیں آج کل ایک موٹی جرابیں بک رہی ہیں، جس کی قیمت تقریباً تین ہزار روپے ہے، بعض علماء کرام اس پر مسح کرنے کو جائز قرار دیتے ہیں۔آیا اس پر مسح جائز ہے ؟
جواب
واضح رہے کہ فقہاء کرامؒ کے کلام میں غور کرنے سے معلوم ہوتا ہے کہ جورابوں پر مسح جائز ہونے کیلئے درج ذیل تین شرائط موجود ہوں:
۱۔۔۔ اتنی موٹی ہوں کہ بغیر باندھے پاؤں پر کھڑی رہیں۔
۲۔۔۔ پانی وغیرہ ڈالا جائے تو اندر پانی سرایت نہ کرے۔
۳۔۔۔ بغیر جوتے پہنے صرف یہی جورابیں پہن کر تین میل تک پیدل چلنے سے نہ پھٹیں۔
جن جورابوں میں مذکورہ بالا شرائط موجود ہوں گی، تو ان پر مسح کرنا جائز ہوگا، اگر ایک بھی شرط مفقود ہوگی تو مسح جائز نہ ہوگا۔۔۔ دی گئی جورابوں کا مشاہدہ کیا گیا تو اس میں صرف ایک شرط پائی جاتی ہے کہ پانی انڈیلیں تو اندر سرایت نہ کرے، باقی شرائط مفقود ہیں، لہٰذا ان جورابوں پر مسح کرنا جائز نہیں ہے۔
لما في المبسوط للسرخسيؒ:
والثخين من الجورب أن يستمسك على الساق من غير أن يشده بشيء
(كتاب الصلاة، المسح على الجوربين، 1/ 102 ط:دارالفكر)
ولما في حاشية الطحطاوي على مراقي الفلاح:
ولو كانا" أي الخفان متخذين "من شيء ثخين غير الجلد" كلبد وجوخ وكرباس يستمسك على الساق من غير شد لا يشف الماء وهو قولهما وإليه رجع الإمام وعليه الفتوى
(كتاب الطهارة، باب المسح على الخفين، ص: 129، ط: دار الكتب العلمية)
ولما في الدر المختار:
(أو جوربيه) ولو من غزل أو شعر (الثخينين) بحيث يمشي فرسخا ويثبت على الساق ولا يرى ما تحته ولا يشف
(الدر مع الرد، كتاب الطهارة، باب المسح على الخفين، شروط المسح على الخفين، 1/ 269 ط:دارالفكر)
فقط واللہ اعلم
فقط واللہ اعلم
حوالہ: ایمان و عقائد